Popular Bible Verses from Matayi 19

Share

Yezu ubatangila, kubambilaye ne: — Ebi bidi bikolela bantu. Kadi bionsu bidi biteketela Mvidi Mukulu.

Kabatshiena babidi, kadi badi muntu umue. Nanku muntu kapanduludi tshidi Mvidi Mukulu musange.

Yezu kuandamuna ne: — Kanuena babale tshidi mukanda wa Mvidi Mukulu ulongesha anyi? Badi bafundamu ne: “Ku tshibangidilu, Mufuki wakabenza ewu mulume, ewu mukaji.” Pashishe Mufuki kuamba ne: “Ke mudi mulume ushiya tatuende ne mamuende, bua balamatangane ne mukajende. Nanku bonsu babidi nebenze muntu umue.”

Yezu kuamba ne: — Lekelayi bana bavue kundi. Kanubakandiki to. Bualu Bukalenga bua mu diulu mbua badi bu bana.

Kadi ba bungi badi mpindiewu ba kumpala, nebikale ba ndekelu. Ba bungi badi mpindiewu ba ndekelu, nebikale ba kumpala.

Kabidi muntu yonsu udi ushiya mu dina dianyi nzubu yende, bana babu ba balume ne ba bakaji, tatuende, mamuende, bana badiye mulele, nansha madimi ende, neapete bipite misangu lukama. Neapete kabidi muoyi wa kashidi.

Yezu kumuandamuna ne: — Paudi musue kuikala muakane tshishiki, uye kupana bionsu biudi nabi, wambike bapele makuta abi. Nanku newikale ne biuma mu diulu. Pashishe ufike bua kundonda.

Yezu kumuebeja ne: — Udi unkonka bua kumanya bualu budi buimpe bua tshinyi? Udi muimpe udi amu umue. Pawikala musue kupeta muoyi kudiye, itaba ku mikenji yende.

Ndi nnujadikila kabidi ne: bu mudibi bikole bua nyama wa kamelu kubuela mu disu dia kashingi, ke mudibi bikole bipite bua muena mpetu kubuelaye mu Bukalenga bua Mvidi Mukulu.

Ndi nnujadikila ne: muntu yonsu udi ubenga mukajende, usela mukuabu, udi muena tshiendenda (Katuena tuamba bua bantu badi bangatangana mu buendenda).

Pashishe Yezu kuambila balongi bende ne: — Ndi nnujadikila bulelela ne: bidi bikole bua muena biuma kubuela mu Bukalenga bua mu diulu.