Popular Bible Verses from Marko 9

Share

Yesu wacu ire kumae, Tek icopo! Gin ceke copre ni ng’atu m’uyio.

E ndhu ndhu nica won nyathin ukok, ewacu kumae, Ayio; konya ku yioyic para m’umbe.

E kan emondo i ot, julubne gipenje nyalwe kumae, Nedi wacopo wodhe ngo? ewacu igi kumae, Wagi gino wodhre ku gin moko ngo, ndhu ku rwo.

Kadu ber: ento tek kadu lake tho, wubidwoko lake kud ang’o? Wubed ku kadu i iwu giwu, cwinywu de kwi wuku juwedu.

Ng’atu ma tek bijolo acel mi wagi nyithindho ma thindho ku nyinga, nwang’u ejolo an; man ng’atu ma tek ujolo an, nwang’u ejolo an ungo, ento ng’atu m’uora.

Kum ng’atu ma tek bimio iwu pi i kikombe wumadhi, kum wu ju pa Kristu, andha ayero iwu, nia sukulia pare birwinyo ire ki ngo.

Man ke ng’atu ma tek biketho ng’atu acel ma kind nyithi ju maeni ma giyia ukier, ni ng’atuca cika jung’ab pom ma dit i ng’ute, jubaye ko i nam.

Man ke tek weng’i ketho ikier, fudhe woko: cika imond i ker pa Mungu ku weng’i acel sagu ma tek ibedo ku weng’i ario ma jubei ko i gehena