Popular Bible Verses from KELUARAN 20

Share

”Allah HINIKNI hit o Mesir inaben enemingminganggeyap heneptukmu hondog heneplug wilip atikikon An tu welahi. Aben wel turuk angge winon wel enebuk fug angge we An nubam eneg wenggel niyaruk laruhun.

Poholma kinangma ikma wereg angge wirim toho hinggiken lale ferukon fahet, ’Tu Allah hag toho wereg,’ ulug wirim tuk fug. An HINIKNI Allah men mun angge man angge kinangma werehon men wirim naptukon fahet nirim peruk lahireg hinggiken laltuk angge wel eneptuk laruhun fug. An enembol yig nutuk inap arimano unumalikisi men unumbusagsi men unumbasi men Anden alem angginon unubam emberuk laruhuk.

Hikni hisinga enele holtuk lit let eneptuk laruhun! Ari turuk laruhun halug hat fano wereg lit amusun toho kinang Anden og hisahukon fam weregman eneg sabal atuk laruhun.

O sabir angge Sabat An wel naptuk sambil fahet hindi holuk toho welaruhun.

An nunuk saplangge uruk laruhun fug. Aben An HINIKNI Allah nunuk saplangge urukon arimano Anden alem angginon unubam emberuk laruhuk.

O falfalikenam o yabuk wituk laruhun. O sabir angge kel taruk lit An fahet wenggel niyaruk laruhun. O ino sambil hat humalikisi men hamingmingangge men hambohom oho ap pohon hat hibam werehon oho mun angge man angge wituk lamuhup fug.

Ap inibam, unuhesi, enemingmingangge, enembohom sapi men keledai men, ap enenggengge winon oho hilik ulug hilaruk laruhun fug,” ulug Allahn ibag.

Hilen fum toho isa fug angge hori fahet un ane uruk laruhun fug.

Hat ap welahenonen ap unuhesi hilaruk laruhun fug, hat hiyap welahenonen oho ap winon hilaruk laruhun fug.

Ap hiyap unusuruk laruhun fug.

Aben tohon yoholiyangge hilaruk laruhun fug.