Popular Bible Verses from DEDI 35

Share

Ka hili panii-nanyaka i Ala, “Nyungga-maka Ala Mahupu-mbiha. Màtawa kau paana umbukungu pada - dangu! Nyumu napa jiakau ngia pawelina na banjaru danguka dàngu boku la mangilu-da da hanganji dangukau. Na tana na pambàda wua-nggunya i Ambarahàmu dàngu i Ihàku napa ku-pakata-nggaunya nyumu dàngu na wàla wuamu,” wàna.

Ka panii dana-njaka i Yakupu da ihi umana dàngu mbuu ndàbada da tau da anguna nyuna, “Napa ta-hadangu welingu yiahu hi talaku la Mbetilu. Lai nu nyungga pahadangu-nggunyaka hau ngia pawotu maraku ndumana i Ala, na mambàda ndulaka ba talànga ningga la handuka dàngu na mamangga-ngga jiapa nda ngginika ba kulaku ningu. Jia ba tuna wàru-njawa da kahala hada marapu hangàdangu da maninja lai nyimi; paloku-yawa na lii pa-yahangu wiki dàngu kai wotu pakimi ma-yahangu,” wànanja.

Napanii i Ala lai nyuna, “Nyumu nda hili Yakupu-akaupa, tàka Ihirailu-kauka,” wànanya. Tuna nu i Ala ba natunya tamuna, Ihirailu ba wànanya.

Ka panii dana-njaka i Yakupu da ihi umana dàngu mbuu ndàbada da tau da anguna nyuna, “Napa ta-hadangu welingu yiahu hi talaku la Mbetilu. Lai nu nyungga pahadangu-nggunyaka hau ngia pawotu maraku ndumana i Ala, na mambàda ndulaka ba talànga ningga la handuka dàngu na mamangga-ngga jiapa nda ngginika ba kulaku ningu. Jia ba tuna wàru-njawa da kahala hada marapu hangàdangu da maninja lai nyimi; paloku-yawa na lii pa-yahangu wiki dàngu kai wotu pakimi ma-yahangu,” wànanja.

Na hau na lodu i Ala napanii-nya i Yakupu, “Nyungga-maka Ala na ma-paitangu wikina lai nyumu ba jiaya na palaimu welingu la ayamu i Ehaü. Laku pa-renggangu la Mbetilu. Ndàdiku-wa lai nu dàngu kau pa-hadangu hau ngia pawotu maraku ndumanggu,” wànanya.

Ba tuna i Rahilu mareni-ama-naka na njàpuna, mbotawa ba wànaka na kayeku-na, na-patamu-nya, Mbeni-Oni na anana, tàka na amana duna na-patamu-nya Mbanyamingu.