Popular Bible Verses from Lukas 12

Share

Ai ’gela’ge his honogola en e, At ai erlige wema, oluk opogwi erlakma en wongat oruakma, an abat daklau wegi ano re, arat weik ai, henebe degelak welemis o,” oluk mo’gulentesi.

At Allah eragam ’goluk wolomul ai a’ge logo pagup holuk e, his di a’ge yu a’ge ai ebam louksogo wokhontouwayat o.”

aphwami a’bik ebano disogo mo’gulentesi, “Aphwami ena’ge a’bik welagai ai pam enelaluk welagai erlak o. Di a’ge yu a’ge an na’ge nak wellep, oluk enede opogu lema no oluk henebabut heberlogo wolomup o,” oluk asogo mo’gulentesirik e

Hena’ge henede hwedik a’ge eba odoksogo oruakma, henede ebayat welema o,” oluk mo’gulentesi.

Hat ap mesik en e, An nebe wareik eria hegit e, lebeksogo warom erlakma en, il mesik emin ogo nelaluk welle e, oluk, wenemennei yat horok eberogup ai pam logon emin helaluk wolom no? Mia o.

Asogo mo’gulontoluk, at osi iak wogu legesa a’ge ebano disogo mo’gulentesi, “An en asogo mo’gulhentegis ai re, his honogola en e, Nenelaluk wolomogoluk e, nonso’boru ’ge a’ge nul. Nonosum ’ge a’ge ’buktul, oluk, henede perik welat wenemennei yat horok eberogu lorogupno oluk mo’gulhentegis o.

Ye, his henasu hena’gul pam oruak a’ge ’berlegat, at Allah en e’gik modok wonogo welago yo. At Allah en e, sue wulue a’bik ai logo ’gela’ge epasu erlak o. Henebeat logo modok epasu o. Ai en e, honogorlok erlaksogo welemis o,” oluk mo’gulentesi.

“Holuk e, his Allah eiyagai egeptik odoktak welegep a’ge henebe wei nak a’ge yu, narilak o! Allah en his at eragam henebaigoluk ede epesirik oruakma re, honogorlok hagup o.

At sue ’bo’giet tago a’ge pobi tit o. At en e, di a’ge yu a’ge owi yeriselat, e’gen ’baliselat, tago modok erlak o. Ye, pobuk no a’ge paget e’gen ’balogo o werikmu pagathwerlasumu modok erlak a’geat de, at Allah en oso’boru wogosoat o. A’ge re, at Allah en sue ai ede ningtak pasu a? Erlak o. We, his henebe aiat modok ede ningtak pasulat honso’boru wokhontouwa erlak no? Wokhontouwayat o.

Honogola en e, Nonso’boru emin, nenegeik emin, no’gwe nul, oluk, ai a’geat logo poluk henede perik wolorogup o.

Holuk e, e’gela herle’gela o lei o’gwe welago a’ge ai re, yogodak ’gela’ge, op wolotluk e, loruk o’gwe re, odoukmu narlik pogwi a’geat de, Allah en onosum ’buktak onobo ’gela’ge op a’ge heli’gogo enebasu ai hegitsogo, his henebe henebaget opsogo ’buktak honobouwa erlak no? Henede Allah ebam he’berik po puk yu re!

A’ge re, di a’ge yu a’ge sebelak a’ge ai ’baktagalat, hisogo oruak a’ge ai enalugapsogo selakma pasulat, tua nak o.