Popular Bible Verses from Kejadian 41

Share

Asogo mo’gulesimu, at Yusuf en e, “An heragam a’ge en ebe disogo ema a’ge paget hegen o, oluk mo’gulhum mia o. We, at Allah emategat nak modok se’geksogo mo’gulhum a’ge oruak o,” oluk mo’gulesi.

Asogo egesarik at ’gain onuk logo a’ge Firaun en osi disogo mo’gulentesi, “At Yusuf Allah Arogun ogola welat mo’gulosoam oso ai en, yabuk ai at en elit tu a’ge oruak ai ’gela’ge ap mesik mu a’geat ’ga heratul epegep. Modok erlak o,” oluk mo’gulentesi.

Asogo mo’gulentesirik, at Yusuf disogo mo’gulesi, “Wene ’berlegat e’gen ai Allah en mo’gulhesimu en e’gen o. Holuk e, is aphwami logon enebabut weiyat heberlak welat di a’ge yu a’ge owene weiyat enaluk a’geat de, hat nak e, hebabut modok heberlak welat di a’ge yu a’ge owene modok haluk e, hat nak o. Holuk e, an en hat hebe gubernur welemagoluk edik hebasuam aphwami ’berlegat hat en, Disogo tip, asogo tip, oluk mo’gulentasuam hiak hologo nak togu lemak o. We, an nematek nak e, hat weiyat opma’gwe mia ’gela’ge oruakhwe adia logo ’gela’ge o yema eiye weleik o,” oluk mo’gulesi.

Asogo tualegeirik mesik disogo egei, “Allah en e, an nebe wiaksogo oruakma nemalik ya woknesi o,” oluk egeitik omlogo pobuk a’ge ai onuk e, “Efraim,” oluk tualegei.

Asogo dagenebegeimu, at Yusuf en e, disogo egei, “At Allah en e, an di obotut yu obotut a’bigat hegi ano memerak pasulat, naik eiyagai enemin ogo memerak enebasulat, tuagoluk taknebesi ai en e, nomlogo naduk a’ge onuk, Manasye,” oluk tualegei.