Popular Bible Verses from Keluaran 34

Share

Pobuk at Nenaik ’gain Onuk Logo a’ge en Musa orogolema inlau wagarik e, disogo mo’gulesi, “An Henaik ’Gain Nonuk Logo a’ge ai re, nede lebeksogo wogentasulat, enebe nedeap enebiselat, taga legi a’ge Allah anat o. An nebabut e, ebam louksogo nedeap enebiselat, hebisogo tagalat, nolot het enebam perleneat po erlakma en tagalat, tago yo. An en e, aphwami pobuk-naduk deng ’gobok dagetil laga lema a’ge nedeap enebisoat welat, dagan togu lema a’ge emin, wiak togu lema a’ge emin, erlagapsogo ukpasu leik o. Asogo a’geat de, is aphwami ai logon dagan togwi a’ge ai wene enebam po erlakma en mesik ugenebaik erlak o. We, wene enebam poluk, is en dagetil laga lema a’ge, hwerli henagan pam de a? Ugan pam de a, is eneiyagai emin, is eneiyagai en dogoma a’ge ene’balak emin, is ene’balak ai pam en dagema a’ge emin, eneminat, is enaiklak wiak tigisa ai pam wene enebam pasu modok weleik o,” oluk mo’gulesi.

An Henaik ’Gain Nonuk Logo a’ge Allah nak erliknobu a’ge oruakhweat de, is aphwami en e, di a’ge yu a’ge paget, Allah emin hegit, oluk erliktogwi a’ge ai modok nebit epasu legi ai en e, his en e, aphwami mu a’ge en erliktogwi a’ge ai erliktogup nogo.

Asogo mo’gulesimu, at Nenaik ’gain Onuk Logo a’ge en Musa disogo mo’gulesi, “An yogodak aphwami Israel a’ge wene wusogo wokhenebik o. An en aphwami ’gwiangma welagai a’ge logon pobi tuagoluk elalin a’ge mesik tu erlak a’ge, is aphwami Israel a’ge enilem mesik tik o. An Henaik ’Gain Nonuk Logo a’ge en elalin honogorlok a’ge mesik henebaget tik ai en e, aphwami ’berlegat an en elalin tik a’ge ai enil houwa o.