Popular Bible Verses from Peragenebesi 2

Share

Asogo mo’gulentigisema, at Petrus en e, “His wiak togu legep a’ge ai ukpoluk henebabut heberlemis o. Asogo heberlomma re, wiak togu legep a’ge ai, Allah en erlagapsogo ukpou wagoluk henebe lo’bok Yesus Kristus onuk ’balogo ik olomu ’belaphonobuak o. Asogo tumu re, Allah Arogun ai wokhontouwa o.

Enemin la’bulogo obat welat e, is ap Yesus en yo’go onoboluk peragenebesi a’ge ebano en wene mo’gulontogwiam hwedik-hwadigat enesa’go holugulat, so’boru enemin ’gusogo no’gulat, se’ban enemin ogulat, togu legesa.

Enil asogo hogukhwe, Allah Arogun is ’berlegat onogola ’betesogo ’gwegei. ’Gwegeitik, Allah Arogun en, “At ai iak disogo ese lemak o,” oluk epesi hegitsogoat, is aphwami muon eniak pam degenik lek yegenik lek uagoluk mo’gulentasukhwe elalinat il laga legesa o.

erianoat, yasobu anni wiak punhau wagalat iak oso ai ’gela’ge, Allah ’bogorl pam en ’belakpou wagama re, is aphwami o pam hweriogo welegesa a’ge ebano ’berlegat iak enesa’go hweligisa. Enesa’go hweligisarik enil ’gwelakhegesa ’gal e, odouk magale abuk ’belak a’ge en pema melanghai lasulat, pema melanghau wagalat, tago ai ’gela’ge, enebe lo’bok enebam dadain lasukhwe enil hegesa. Enil asogo hogukhwe, Allah Arogun is ’berlegat onogola ’betesogo ’gwegei. ’Gwegeitik, Allah Arogun en, “At ai iak disogo ese lemak o,” oluk epesi hegitsogoat, is aphwami muon eniak pam degenik lek yegenik lek uagoluk mo’gulentasukhwe elalinat il laga legesa o.

Asogo tugulat e, agauwa mesik pam mo u erlakma en hwedik-hwadigat Allah owi werikmu odoktugulat, onogola enagai hogulat, enede sebelogoat onowi lo’gwe so’boru enemin ’gusogo no’gulat, togu legesa. Asogo tugulat, is en Allah erliktogwi oruakma, is aphwami ’berlek en, “Is op o,” oluk erligonobogu legesa. Erligonobogukhwe oruakma re, nonue ’gain Onuk Logo a’ge en e, agauwa mesik mo u erlakma en, aphwami logon delogo Allah eiyagai enemin mesigat la’bulogo enebasu laga.

At en e, disogo egei, At Allah en eselat e, O ologun pam an Narogun ai, loksogo aphwami ’berlegat enebam ’belakpou weik o. ’Belakpou wagoam e, henemalik logomalik et, hwelani et, is en an niak aphwami mo’gulontogulat, honosi souwe a’ge en enabi ’gela’ge hogulat, henaiklak sebal a’ge en enabi hogulat, togu lema o.

Is aphwami logon wene demat oluk wegesa a’ge emin enebe mesik a’ge ’gela’ge opsogo welat, ena’ge di a’ge yu a’ge paget, “Nis nenemin mesigarat nena’ge o,” oluk la’buksogo tenak welegesa. Asogo welat e, is pema en, ono’gwiang emin, ena’ge emin, o’go uang wik-wok e, uang ai is Allah eiyagai a’ge ebano enebe lo’bok so’burontogulat, is nin ena’ge erlak a’ge elirat so’burontogu legesa.

Asogo agokhwe re, his aphwami en an henaik ’gain Nonuk Logo a’ge nonuk ’balogo yo’go nebagup a’ge enebe lo’bok delenebik o, oluk Yoel en egei ai.

An henaik ’gain Nonuk Logo a’ge en loksogo tagoam aphwami en erliknobugukhwe weik ai erlige owan wom erlak oruakhwe re, o mo orogole muat hik eselat, dugwi orogole mep agalat, ai naduk tua o.