Popular Bible Verses from Marko 6

Share

Jesu a di va embela, khuye: “Hongoleni giwulani mu ya hefemula vbadugwana.” A di gira kharato kholu va di si mani gikhati nya guhodze khu kotani nya vathu va nga bani va gu bela ni gu duga khu gipitipiti.

Jesu a di va embela, khuye: Muprofeti kha zundzegi tigoni gwaye, valongoni ni ndrangani gwawe.

Gikhati Jesu a nga tshiga khu ngalavani, a di wona gidzemo nya gingi, a va pwela wuhindzi, kholu va di khala nga dzinvuta nyambana muhavisi. A di phela gu va hevbudza silo nya singi.

Kha dzi kodza gu gira giliwugiso ni gimwegyo, a di hegela gu handzega mandza vadwali vadugwana va nga bani varomo vbale, a va hawulugisa. A di liwuga khu gumba khodwa ga vathu vale. Ambari ulo a di gimbilagimbila mu dzindrangani dza vbafuvbi a gu hevbudza.

Na dzegide sibaba sile nya livbandre ni dzindzandzi dza dzimbili, a di khusa maho a khedza vbatshani Ndzadzini, a kategisa, a pila sibaba a si ningela ga vapizane vaye gasi gu kabanisela vathu. A di kabanisela gambe vatshavbo dzindzandzi dza dzimbili. Va di hodza vatshavbo va khura; bwelo khavbo va rolela sipandre nya sibaba ni dzindzandzi si nga thegelago, va di tadza likhumi na sivili situndru.