Popular Bible Verses from Matewu 7

Share

“Lombani, mu na ningwa; vbwetani, mu na si mana; khokhothani, mu na tuledwa.

Kholu muthu watshavbo a lombago, a ngu ningwa; uye a vbwetago a ngu si mana, ni uye a khokhothago, a ngu tuledwa.

“Wule a pwago mahungu yangu a ma landrisa, a gu fanana ni mwama nya mapimo a nga vbaha nyumba yaye mugiwindrini.

Khu kharato, iso mu vbwetago gukhenu vathu va mi girele, va gireleni nenu, kholu khidzo kharati wu hevbudzago Nayo ni sihevbudzo sa vaprofeti.

Gasi ndzila yi yisago guvbanyani yi hongide ngudzu; mwanya wakone nuwo. Vadugwana va belago khiyo.

“Belani khu mwanya nya dugwana! Kholu ndzila yi yisago gumbembani yi anamide ngudzu; mwanya wakone nuwo. Nya vangi khavo va belago khiyo!

Nga wonani: Ambari enu nya gukhenu mu vivbedwe khu myonyo mu dzi kodzago gu ninga silo nya sadi sanana sanu, ahati Babe wanu a guromo Ndzadzini kha na nga ninga silo nya sadi vale va mu lombago, gani?

“Mu nga lamuli vakwanu, gasi mu si lamudwi nenu. Kholu, idzo mu na lamulago khidzo vakwanu, mu na lamudwa nenu khidzo. Ndronga mu na pimago khiyo vakwanu, khiyo mu na pimwago nenu khiyo.

Gasi uye a pwago mahungu yangu a si ma landrisi, a gu fanana ni gipumbu gi nga vbaha nyumba yaye mulipfuleni.

Khu ginani u khedzago gitoti gi guromo lisoni ga ndriyago, u si khedzi vhambala wu guromo lisoni gwago? U na dzi kodza kharini gu embela ndriyago, khuwe: ‘Wandruye, hidzimela nyi gu dusa gitoti lisoni gwago’ nuri ni vhambala lisoni gwago nuwe?

“Dzi woneleni ni vaprofeti nya malipha, va tago vbakari gwanu kha nga dzinvuta, gasi khu ndrani masolwa nya guvbelele. Mu na vati khu mihandro yawe. Ina gu ngu hawa dziuvha mu sikakaradzani, mwendro makandzu mu sirangalabwani, gani?

Simbo watshavbo nya wadi wa gu thela mihandro nya yadi; gasi uwo nyamba wadi wa gu velega iyo nyamba yadi.

Simbo nya wadi kha wu dzi kodzi gu velega mihandro nyamba yadi. Kha nga simbo nyamba wadi wu si dzi kodzigo gu velega mihandro nya yadi.

Simbo watshavbo wu si velegigo mihandro nya yadi wu ngu kokwa wu rinywa niloni.