Popular Bible Verses from Matewu 17

Share

Jesu a di va hakha, khuye: “Khu kotani nya gukhodwe gwanu a gu gudugwanana. Khu lisine nyi ngu mi embelani, kheni: Gukhodwa gwanu gwa gu fanana ni mbewu nya ginapi, mu na rumani gigomo gegi, khenu: ‘Siguga khavba uya khala vbale’; gi na mi yingisani. Khu kharato, gimwalo gi na mi tandrago.

Na nga guganela, li dita lipfhi nya gungangamele lita va fenengedza khu mwedzi waye; khu vbakari nya lipfhi gu di pwala lito, na li gu, khilo: “Oyu khu Mwamana wangu nya gu mu haladze ngudzu, a tsakisago monyo wangu; mu yingiseni.”

Jesu a di khuye: “Mela nya vathu nyamba khodwa, mu si gitigo nigyo mu girago! Nyi na khala nanu kala lini? Nyi na mi timiselani kala lini? Mu reseni eno gwangu.” Khavbo avbo, Jesu, a di kawuka liphuvbo nya guvivbe li gu duga ga gikhwathana; khavbo avbo, gukhugela gikhati gile gikhwathana gile gi di vbanyiswa guralo.