Popular Bible Verses from Filipenses 1

Share

Musyämi qamkunachö Tayta Dios alli rurayta qallanqanta y Jesucristo kutimunqanyaq tsay ruranqanta ushananpä kanqanta.

Tsaymi Tayta Diosta mañakü shumaq tantiyakur payta kuyar jukniki juknikipis kuyanakuyänaykipä. Tsaynö kuyanakurmi alli kaqkunata rurayänaykipä tantiyakuyanki y Jesucristo kutimunanta shuyar pay munanqannö jutsaynaqlla kawayanki.

Kawarpis Jesucristullapämi kawashä. Wanuptïpis mas allim kanqa.

Qamkunapä yarparmi imaypis Tayta Diosta agradëcikü.

Jesucristupa alli willakuynin ninqannölla imaypis kawayay. Tsaynöpam shamurpis mana shamurpis musyashä ñakarpis llakikurpis Jesucristo munanqannö kawaykäyanqaykita y imaypis kuyanakuykäyanqaykita. Tsaynöllam musyashä runakuna chikiyäshuptikipis Jesucristupa alli willakuyninta willakuykäyanqaykita.

Mana mantsariypa parlanäpä imaypis yanapamanqannömi autoridäkunapa puntanchöpis yanapamanqa. Tsaymi Jesucristo yanapamanqan musyakanqa kawaykaqta dëjayämaptinpis o wanutsiyämaptinpis.

Manam Jesucristuman yärakunallantsikpätsu Tayta Dios akramarquntsik, sinöqa pay raykur ñakanantsikpämi.