Popular Bible Verses from Éxodo 4

Share

Tsaynö niptinmi TAYTA DIOS nirqan: <<¿Pitä runapa shiminta kamashqa? ¿Pitä permitin upa kananpä, wiyaq kananpä, qapra kananpä y alli rikaq kananpä? ¿Manaku noqa kä? Tsaynö kaykaptinqa Egiptuman ayway. Parlanqayki höram qamwan kaykäshä. Imanö parlanaykipäpis noqam tantiyatsishayki>>.

Niptinmi Moisés nirqan: <<¡Ay, TAYTA DIOS! Noqaqa parlaytapis manam shumaqqa yachätsu. Tsaynö kanqäqa manam kananllarätsu, sinöqa unaypitam. Tsaymi parlarpis shumaq tantiyatsiyta puëdïtsu>>.

Tsaynö niptinmi TAYTA DIOS rabyakurnin nirqan: <<Mana valuraptikiqa Leví trïbu wawqiki Aarónmi yanapashunki. Shumaqmi runakunata tantiyatsin. Paymi tinkuyänaykipä shamunqa. Tinkuskiyaptikim pasaypa kushikunqa.