Popular Bible Verses from PANDARIADDI 12

Share

I ya'u sarun mangonggolla si'o papapulunna apan manambo wuṛṛu i mangitou sarun maola'a walahanna apan bahewalla. I ya'u sarun mangal᷊amatta si'o wuṛṛu arannu mabbal᷊i tumelengnga, ma'oman sara i'o maola'a al᷊amatta. I ya'u sarun mangal᷊amatta manga taumata apan mangngal᷊amatta si'o wuṛṛu mamontoga manga taumata apan mammontoga si'o. Wuṛṛu ana waugu i'o I ya'u sarun mangal᷊amatta anambon balahanna su runia.”

MAWU nabbisara si Abram, “Tantanga'e wanuanu, ṛuangannu amonannu wuṛṛu wal᷊en yamangngu, wuṛṛu inaite watukku wanua apan Ta'u ipantingidda si'o.

I Abram uukke pitun pul᷊o l᷊ima su tonnane su tempo i tou nanantangngu i Haran, ere buatte nirolokku MAWU si tou. I Abram inaite watukku leta'u Kanaan suadio'a ringanni Sarai awingnge wuṛṛu i Lot ana'u tuṛṛangnge, wuṛṛu al᷊awo'u darotongnge see lai manga allangnge apan niasombanganni mangitou su i Haran. Napawe i mangitou na'omate su Kanaan

MAWU naipasilon batangan-Ne si Abram wuṛṛu nabbisara si tou, “Ete indi wanua apan Ta'u ionggolla su papapulunnu.” Ana see i Abram napararisikku sambau mezbah hunan MAWU apan buatte naipabilon batangan-Ne si tou.