Popular Bible Verses from SASABANGNGA 9

Share

Arawe i yamiu Ta'u iwala wiakka, tadea'u i Ya'u wotongnge mapaal᷊iatta'u taṛṛino-U si'o, na'oman sara arang-Ku tinumelengke su ahewallu runia.

MAWU nabbisara si Musa, “Roote sumaruanna ratu, wuṛṛu wal᷊oa'a si tou manungku MAWU, Ruata taumatan Ibrani, nabbisara; ‘Wala'awe manga al᷊aṛṛana-U inai tadea'u i mangitou wotongnge mattaṛṛamawu si ya'u.

Unnu wisara i Ya'u ma'apulu makkuumannu wuṛṛu tumanangngu ringannu radda'a, i yamiu sarangkanambone natete.

I Ya'u sarun mandantan sa'itta apan bahewalla su anambon binatangngi i yamiu papadul᷊inanna, kuda, keledai, unta, sapi, domba wuṛṛu ambingngi yamiu. I Ya'u sarun maṛṛaen binatangngu taumatan Israel wuṛṛu winatangngu taumata Mesir. Wuṛṛu winatangngu taumatan Israel tawe saran sambau apan mate.

Tiṛṛabbi marua allo, su tempo apan uasul᷊ungnga, i Ya'u sarun mandatan uranna masunge apan masadatta, ere taambe nariaddi su Mesir ro'en dorone naddatingngu orassa indi. Ne parentaite tadea'u anambon binatangnga wuṛṛu al᷊awo'u darotongngu apan su liudde apira'a su tampa amanna. Anambon taumata wuṛṛu winatangnga apan su liudde wuṛṛu tawe nattillindumma sarun mate aemaannu uranna masunge.’ ”

Ne awu udde sarun massal᷊iawukka su ahewallu leta'u Mesir. Su taumata wuṛṛu su winatangnga awu sarun mapaasabangngu manga pinsulla apan mapesanga mabbal᷊i lessa pia nanane.” Ana see i Musa wuṛṛu i Harun nanganute awu wuṛṛu sinumaruante ratu. I Musa nangalassu awu udde su winalanganna. Su taumata wuṛṛu winatangnga nilumappute manga pinsulla apan napesanga wuṛṛu nabbal᷊i lessa apan pia nanane.