Popular Bible Verses from O LUKAS 9

Share

Ipaha o Yesus wätemo o nyawaika mata-mata naga ima toomuino genangoka, ”O nyawa yomau ihinïki Ngohi, kokiani yawohanga manga diri mahirete maparalu, yamoku manga salib o wange higeto-getongo, deʼ madodogumua ihinïki Ngohi.

Hababu o nyawa yomau yöriwo manga ngango, aha manga ngango ihihanga. Mä o nyawa ihihuba manga ngango mangale Ngohi ahiparalu, aha manga ngango ihalamati.

O Yesus wïtemo o nyawaika gënanga, ”O nyawa yomulaengoka yopajeko, de ima lega manga poretoko, ipatutua yodadi o gegetongo ma Jou Madutu aiumati.”

Okia aiutumu womatëngo nako dunia mata-mata nënanga idadi katoünanga, mä unanga aingango ibodito deʼ ihihanga?

Nako o nyawa yämal̄eke ima ngaku mangale Ngohi deʼ Ahi dodötoko, o Nyawa manga Ngohakö aha iwimal̄eke womangaku o nyawa geönanga, maöraha Unanga woböa aha de Ai kuaha, deʼ Ai Ama aikuaha, de o malaekat-malaekat yotebi-tebini manga kuaha!

O Yesus wohaluhu, ”O kaho honganika de ma arukoka, deʼ o totaleo de maigutoka, mä o Nyawa manga Ngohaka koiwa Ai ngï womahi ruba-ruba.”

Daha Unanga wätemo iwinöninïkika, ”O nyawa yätarima o ngohaka nënanga karana Ngohi, mamangarati ihitarima Ngohi. Deʼ o nyawa hitotarima Ngohi, iwitarima Unanga wohihö hulo-huloko Ngohi. Hababu o nyawa yo ete-eteke niahidogoronaka, geünanga iholoi woamoko!”