Popular Bible Verses from O LUKAS 8

Share

O gihihi itifa-tifa o tonaka i boburereuku hohitero hokä o nyawa yoihene o abari gënanga, daha yagogono manga hininga ya oa-oa, de iriko-rikoto magoronaka. Onanga yotongohono hi ädono yohohoko.”

O gihihi itifa-tifa o momo ihohihikauku, hohi tero hokä o nyawa yoihene o abari gënanga, mä yohawatere mangale manga ngango inoli yönahihu yowango okia-kiaua yokuranga deʼ yosanangi o dunia magoronaka nënanga. Mata-mata gënanga yahi dehoto önanga hiädono koiwa manga hohoko marorahai.

O gihihi itifa-tifa o ngï ihohelewouku, hohitero o nyawa maöraha yoihene o abari gënanga, yatarima de manga hininga i sosanangi. Mä o abari gënanga imahi ngutukua manga hininga magoronaka. Onanga yongaku ihijai-jai dika, deʼ maöraha o cocoba iböa, önanga ima dohuku de yosetiaokaua.

Daha o Yesus wätemo iwinöninïkika, ”Yadodoa ho ngini ningakua Ngohino?” Onanga idadi yohëranga deʼ yohawana. Deʼ onanga imakoketemo, ”Imoteke madiai o naguna o nyawa nënanga hiädono wohi pareta o hidal̄oko deʼ o luluika, deʼ enangö iwi himoteke!”

O gihihi itifa-tifa o ngekomuku hohitero hokä o nyawa yoihe-ihene ma Jou Madutu aidemo gënanga. Mä o Ibilihi yaino de yaora o abari gënanga manga hiningaka, hupaya önanga uha yongaku deʼ yohalamati.

Koiwa naga ima ngiu-ngiunika aha koya mäkeua; deʼ koiwa naga o rahasia aha i kiliangua deʼ ihi orikua.

O ngoheka gënanga momanäko amimanarama ihiorikoka. Hoʼ munanga maino de mohahara daha momarukuku o Yesus aihimangoka. De münanga mohi ade-ade o nyawa mata-mata manga himangoka, yadodoa homünanga mïtigi o Yesus, deʼ amipanyake itogumu o öraha gënanga dika. O Yesus womitemo munangika, ”Ngohi ora, karana ngona nongaku Ngohino ngona notogumu. Noiki de mahalamati.”

Iwinöninïki o Yesus yoiki o Yesusika deʼ iwitomanga Unanga. Onanga yotemo, ”Bapa Guru, Bapa Guru, ngone hobodito!” O Yesus womomiki de wodorohu mahidal̄oko deʼ malulu ma ago-agomo gënanga. Ma hidal̄oko deʼ maluluö gënanga imatogumu daha mataaga gënanga duru idadi mangogo-ngogoro.