Popular Bible Verses from KAL᷊AL᷊AHE 9

Share

Kateho l᷊umbei ngu taumata ko ta nate dingang u manga sil᷊aka e'e l᷊ai, ta nanintang u patiku ko nikoa u l᷊ima ngi sire si sane. I sire ta nangiro manumba manga roh ko dal᷊ai dang manga barhala wul᷊aeng, sal᷊aka, witu, watu l᷊au u kau ko ta makawua l᷊au u ta makaringihi, dang ta makaral᷊eng. Isire l᷊ai ta nanintang u manga kakanoa i sire ko dal᷊ai, e'e ko mamate, mupalihara titong marundung; musundal᷊i dang manako.

Bou l᷊al᷊ung u tipu e'e nusumuwangte manga kumbati ko nul᷊umintu sarang dunia. Manga kumbati e'e nionggol᷊ang u kawasa ko musul᷊ung kere ko nionggo su kalajengking. I sire kumbahang mundusa manga onasi arako manga kau, arako manga sasuang ko wal᷊inge. I sire kitang botonge mahawi manga taumata ko takoae segel᷊i tatia su ruhu i sire bou Mawu Ruata.

Bou e'e mal᷊aikati kal᷊imange nutiu tarompete, dang ia nakawua wituing simbau nanawo bou l᷊angi sarang wawo u dunia. Wituing e'e nionggol᷊ang u kakunsi u towa u papate.

Manga kumbati e'e ta nipakawal᷊a mamate manga taumata e'e, kateho kitang pupakawau si sire lima wul᷊ang kal᷊iwuenge. Highe ko nariadi watu u nikiki ngu manga kumbati e'e musul᷊ung kere nipangkong u kalajengking highenge.

I sire pia ratu ko mamarenta si sire, dang ratu e'e ko mal᷊aikati ko mangatori towa u papate. Arenge su l᷊al᷊ung u didato ngu Ibrani Abadon; dang su didato ngu Yunani Apolion (ko mangal᷊enge “Mundandusa”).