Popular Bible Verses from KAL᷊AL᷊AHE 8

Share

Suapang Ahusu u Domba e'e nuhose segeli kapitunge, sorga narumasi patehang manga stenga ngu kaorase.

Malaekati kahimotongange nutiu tarompete, kuteu tahiti eisi dingang u putung mul᷊al᷊au daha nurumasehi kere'e kauhae sarang wawo u dunia. Simbahageang tatilu bou dunia nasue natutung; kere e l᷊ai simbahageang tatilu bou manga kau, l᷊au patiku onasi ko tamata.

Bou e'e ia nakawua, kuteu ia nakaringihi pia tingihu burung kamba ko katilae marange su kinoang, kapuhabare, “Silaka! Silaka! Kasasilaka su kaul᷊i u taumata su dunia boko ikaringihi tatilu mal᷊aikati ko wal᷊inge sarung mutiu tarompeti sire!”

Bou e'e mal᷊aikati karuange, nutiu tarompete, kuteu pia simbau ko lebe l᷊abo nikawua musul᷊ung u wul᷊ure ko kahenange nipal᷊o sarang l᷊al᷊ung u l᷊auri. Simbahageang tatilu bou l᷊aure nuwal᷊u nakoa daha

Bou e'e mal᷊aikati katilunge nutiu tarompete, kuteu simbau wituing ko l᷊abo, ko kahenange kere obori, nanawo bou l᷊angi, wuhue nanguntung simbahageang tatilu bou manga sal᷊uhi dingang manga mata ngu ake. (Arengu wituing e'e “Mapai”) Kuteu simbahageang tatilu bou ake napai, dang nakapate taumata maul᷊i, watu u nanginung ake ko seng mapai e'e.

Bou e'e mal᷊aikati kapae, nutiu tarompete. Inau nakawuwahiu simbahageang tatilu bou matangutiti, simbahageang tatilu bou wul᷊ang, dang simbahageang tatilu bou manga wituing hakiu nakailang simbahageang tatilu bou katatoghasu sinang i sire. Dingang u l᷊ai simbahageang tatilu bou l᷊ou ta masua dang kere'e l᷊ai simbahageang tatilu bou huwi.