Popular Bible Verses from MATIUS 20

Share

Arawe i kumu tawewotonge kere'e. Taumata ko mo mutingkakoa ko l᷊abo su tal᷊oara i kumu, mambeng makoa paparentangu. Dang taumata ko mo mutingkakoa kahimotongange su tal᷊oara i kumu, mambeng makoa l᷊angu. Musul᷊ung u l᷊ai Ahusu Taumata e'e; i Sie nusumongo wal᷊inge we tadeau makital᷊ung, kateho tadeau mutal᷊ung, dang manarakang u wadang-E guna ngu mul᷊iwiru taumata ko maul᷊i.”

Bou e'e I Yesus sau nangul᷊i, “Kere'e l᷊ai taumata ko samuri sarung makoa ko kahorokange, dang ko kahorokange sarung makoa kasamuriange.”

I Yesus nukumindaghi si sire rua, bou e'e namilo l᷊ima-Nge su mata ngi sire rua. Singkatempo e'e l᷊ai i sire rua dingang u nakawua. Bou e'e i sire nutumuhu si Yesus.