Popular Bible Verses from YOHANES 21

Share

Suapang i sire bou nukumang, I Yesus nangul᷊i si Simon Petrus, “Simon, ana i Yona, apa i kau kumindaghi u Ia mborong nangilebe bou i sire i'i kumindaghi u Ia?” “Tingari, Mawu,” nisimbahi Petrus, “Mawu matitong ia kumindaghi u Mawu.” I Yesus nangul᷊i si sie, “Tal᷊ungete manga ana u domba-Ku.” Su karuange I Yesus nukina si sie, “Simon ana i Yona, apa i kau kumindaghi u Ia?” “Tingari, Mawu,” nisimbahi Petrus, “Mawu matitong ia kumindaghi u Mawu.” I Yesus nangul᷊i si sie, “Tal᷊ungete manga domba-Ku.” Su katilunge I Yesus sau nukina si sie, “Simon ana i Yona, apa i kau kumindaghi u Ia?” I Petrus nasusa naunge watu'u I Yesus seng pakatilu nukina si sie. Kuteu i Petrus sau nusimimbahi, “Mawu, Mawu matitong u kaul᷊iu patiku. Mawu matitong ia kumindaghi u Mawu!” Bou e'e Yesus nangul᷊i si sie, “Tal᷊ungete manga domba-Ku.

Mang nuhino didato-Ku i'i: Su tempo ngi kau Mborong mangkuda, i kau sisane ngu mangiki kal᷊uwaengu, dang l᷊umal᷊eng tumuhu kaou. Kateho boko i kau seng maghurang, i kau sarung manogoru l᷊imangu, dang taumata ko wal᷊inge mangiki i kau dang mamambing si kau sarang murating u manga apa ko ta i kaou.”

I Yesus nangul᷊i si sire, “Piloko soma i kumu pai su kuaneng u sakaeng, i kumu sarung makaal᷊a kina.” Bou e'e soma e'e nipilo i sire tamai, arawe hinsangu kaul᷊ie kina su l᷊al᷊unge, hakiu i sire ta nakatanggung sau namol᷊eng.

I simon Petrus nuhabari si sire manga dingange kowal᷊inge, “Ia neng masasae maname kina.” “I kami tumuhu,” Angkungi sire si sie. Kute nasasae i sire nusumake su sakaeng. Kateho sihuwi matiwatu e'e i sire ta nakasame sarang simbua.