Popular Bible Verses from YOHANES 19

Share

I Yesus nanemang anggori e'e bou e'e nangul᷊i, “Seng naganapi!” Bou e'e I Sie nangangku u timbo-E dingang u namal᷊usi.

I Yesus matitong himoneu orasi i'i kaul᷊ie seng naganapi, dang tadeau apang ko kawawohe su l᷊al᷊ungu Buki Susi mang mariadi, I Sie nangul᷊i, “Ia narou.”

Su tempo I Yesus nakawua si mamang-E l᷊au tumatuhu-E ko i kindaghi-E kararisi se'e, I Sie nangul᷊i si mamang-E, “Mama, e'e ana i mama.” Bou e'e I Yesus nangul᷊i su tamatuhu-E e'e, “E'e i mama ngu.” Nanita mangkeng bou e'e tumatuhu e'e nanarima i mama-Ngi Yesus patana su wal᷊enge.

Su tempo i sire nurating I Yesus, i sire nakawua I Yesus seng nate. Inau i sire seng ta namare l᷊aer-E. Kateho singkatau bou tal᷊oara u manga sordado e'e, nanika sindihang I Yesus dingang u ral᷊eang; dang singkakonda nusoang daha dingang u ake.

Hal᷊i e'e nariadi tadeau maganapi apang ko kawawohe su ral᷊ung u Buki Susi, ko kal᷊ahabari, “Takoae sarang simbau bou duhing-E sarung ibare.” Su l᷊al᷊ung u Buki Susi l᷊ai mawawohe: “I sire sarung makawua si Sie ko seng nitika i sire”.

I Yesus nusumuwang dingang namikul᷊i salip-E sarang tampa isigho, “Tampa u rarang timbo.” (Su bahasa ngu Ibrani isigho Golgota.)

Manga sardado nukoa simbau makota bou wul᷊anta u kau, mbuhue nipasang su timbo I Yesus. Bou e'e I Sie nil᷊ohokang i sire juba ko bung.