Popular Bible Verses from MARKUS 9

Share

“Napi basende? Lamun Pelungguh bau?” jawab Deside Isa. “Ndéq araq saq mustahil umaq dengan saq percaye!”

Langsung amaq kanak nike bejawab siq suare saq beléq, “Tiang percaye! Laguq iman tiang kurang. Tulung tiang adéq tiang lebih percaye malik!”

Sesampun Deside Isa léq gedéng, pengiring-pengiring-Ne secare husus parek dait metakén, “Kembéq tiang pade ndéq bau sediq roh jahat nike?” Jawab Deside Isa, “Roh jahat saq maraq niki cume bau tesediq siq do'e.”

Sie nike solah, laguq lamun jari tawah, napi bau tepaéqang malik? Jari, side pade harus jari maraq sie dait -- idup damé sopoq kance saq lain.”

“Dengan saq nerimaq sopoq kanak maraq niki lantaran Tiang, artine nerimaq Tiang. Dait dengan saq nerimaq Tiang, ie ndéq nerimaq Tiang doang, laguq nerimaq éndah Ie saq ngutus Tiang.”

Pade inget! Dengan saq ngebéng nginem tipaq side lantaran side pade pengiring Almasih, ie pasti gen nerimaq upaqne.”

“Sai-sai saq jari penyebap salaq sopoq léman kanak-kanak kodéq saq percaye léq Tiang niki bedose, solahan lamun batu penggilingan tetaliq léq belongne, dait ie tetetéh ojok dalem segare.

Lamun penentengde miaq side bedose, luit penentengde! Solahan side tame Kerajaan Allah bedowé sopoq penenteng, ketimbang side dait kedue penentengde tetetéh ojok dalem api nerake.