Popular Bible Verses from MARKUS 10

Share

Séngaq Bije Manusie éndah rauh nénten jari telayanin laguq Ie rauh jari ngelayanin, dait nyerahang nyawe-Ne jari tebusan tipaq dengan luwéq.”

Deside Isa merhatiang ie pade, terus bemanik, “Bagi manusie nike mustahil, laguq nénten mustahil bagi Allah; selapuqne mungkin bagi Allah.”

Beterus manik Deside Isa, “Silaq Lumbar! Imande sampun miaq side selah.” Langsung waktu nike éndah dengan nike tao nyerioq. Beterus ie ngiring Deside Isa léq pemargian-Ne.

Keranaq nike, napi saq sampun tepesopoq siq Allah, ndéq kanggo teséang siq manusie!”

Deside Isa perhatiang dengan nike siq penoq kasih terus bemanik, “Masih sopoq hal malik saq side perluang. Lumbar dait jual selapuq dowénde; sedekahang képéngne tipaq dengan-dengan miskin, dait side gen mauq harte léq sorge. Sesampun nike dateng turut Tiang.”

Deside Isa beketuan léq dengan bute nike, “Napi saq side melétang adéq Tiang piaq léq side?” Jawab dengan bute nike, “Paq Guru, tiang melét tao nyerioq.”

Laguq side ndéq kanggo maraq nike! Sebalikne, dengan saq mélé jari beléq léq antare side pade, ie harus jari pelayande.

Tiang badaq side! Setetune sai-sai saq ndéq nerimaq Kerajaan Allah maraq sopoq kanak kodéq, ie ndéq gen tame ojok dalemne.”

Laguq luwéq dengan saq mangkin niki jari penembéq gen Jari saq penutuq, dait luwéq saq mangkin niki jari penutuq gen jari saq penembéq.”

“Laguq léq penembéqne, sewaktu Allah cipteang manusie, Allah bemanik bahwe ‘Allah jariang ie pade mame dait nine. Keranaq nike dengan mame gen bilin inaq amaqne dait besopoq kance seninene, make deduaqne jari sopoq.’ Jari ie pade ndéqne due malik, laguq sopoq.