Popular Bible Verses from MARKUS 6

Share

Luwéq gati dengan saq dateng dait lumbar sehingge Deside Isa dait pengiring-pengiring-Ne nénten bedowé kesempatan medaran. Keranaq nike Deside Isa bemanik léq pengiring-pengiring-Ne, “Silaq ite lumbar ojok taoq saq sepi adéq ndéq araq dengan lain dait ite mauq mentelah seberaq.”

Beterus Deside Isa bemanik léq ie pade, “Sopoq nabi tehormatin léq mbé-mbé, kecuali léq kampung asalne, léq antare semeton, kadang jarine dait keluargene mésaq.”

Sewaktu Deside Isa turun léman perau, Ie cingakin dengan luwéq. Make Deside Isa periak léq ie pade séngaq ie pade maraq dombe saq ndéq bedowé pengarat. Make Ie mulai ngajahang mengenai luwéq hal tipaq ie pade.

Léq taoq nike Deside Isa nénten bau piaq sopoq juaq muqjizat, kecuali nyelahang dengan-dengan sakit siq care noloq gading-Ne léq atas ie pade. Deside Isa bengaq séngaq ie pade ndéq percaye. Beterus Deside Isa lumbar ojok kampung-kampung léq sekiter nike, dait ngajahang.

Beterus Deside Isa bait lime ruti dait due empaq nike, terus nengadah andang langit dait ngucap syukur tipaq Allah. Sesampun nike, Ie peleng-peleng ruti nike kadu gading-Ne terus icanin-Ne léq pengiring-pengiring-Ne jari tebagi-bagiang tipaq dengan luwéq nike. Dait due empaq nike tebagi-bagi éndah tipaq ie pade selapuq. Ie pade bekelor jangke besuh. Beterus salo keloran nike tekumpulang siq pengiring-pengiring Deside Isa -- selapuqne araq due olas bakaq penoq.