Popular Bible Verses from MATIUS 21

Share

Dait napi juaq saq side pade tunas dalem do'e, side pade gen nerimaq ie asal side pade percaye.”

Manik Deside Isa, “Tiang badaq side, setetune lamun side pade percaye dait ndéq bimbang, side pade bau laksaneang napi saq sampun Tiang laksaneang léq lolo are niki. Dait ndéqne nike doang, malahan lamun side pade bebase tipaq gunung niki, ‘Kerungkahan dait ngalih ojok segare!’ Make hal nike gen telaksane.

Dengan luwéq saq lampaq léq julu dait léq mudi Deside Isa pade bekuih-kuih, “Hosana tipaq Keturunan Daud! Teberkahin Ie saq rauh dalem peséngan Tuhan! Hosana léq taoq saq maheagung!”

Terus Deside Isa bemanik léq dengan-dengan nike, “Léq dalem Kitab Suci tetulis bahwe Allah bemanik, ‘Gedéng Tiang gen tesebut gedéng do'e.’ Laguq side pade jariang ie taoqne bekumpul dengan-dengan jahat!”

“Sampéang léq putri Sion: Sereminang, Rajende kenyeke rauh ojok side. Ie lemah lembut dait nunggang sopoq bagal, sopoq anak bagal saq masih odaq.”

Deside Isa bemanik léq ie pade, “Napi side pade ndéq uwah bace saq tetulis léq dalem Kitab Suci? ‘Batu saq tetetéh siq tukang bangunan sampun jari batu saq paling utame. Niki karye Tuhan; sopoq karye saq ajaip léq julunte!’ ”

“Keranaq nike Tiang badaq side, bahwe Kerajaan Allah gen tebait léman side, dait gen teicanin tipaq sopoq bangse saq gen ngasilang buaq Kerajaan nike. [