Popular Bible Verses from Markus 9

Share

Yesus 'o sangoro, “I'a sa'olo no aje, ‘Na'o Jou no nga'unu?’ Mo-moini nyengara 'i dadi ra guna ḇato na'o ni ngaku Ngoi!”

Kage-kage, ma ḇaḇa 'o kanau 'a siduga-duga, “Jou, ngoi to ngaku mada'a 'ari ngo-ngaku 'i te'e ua! Riono ngoi, la 'ari ngo-ngaku lebe te'e.”

Pasala i'a, wakutu Yesus toma wala re pa'i 'Ai me-mete'e ḇato, ananga 'aḏi sano, “I'a sa'olo ngomi mi dusu'u yoḏu'u roh ma jira gena-ge?” Yesus 'a sangoro, “Roh ma jira so'o nena-ne wa dusu'u reo 'oru ḇato 'i yoḏu'u; balasu wo manyiata.”

G̱asi 'i la-la, mada'a na'o enanga 'i rasa riwara. Sanga ua, 'i dadunu rasa moju? Ngini balasu ni dadi sa'olo g̱asi: ni 'ahu ma'u 'aro'o la matengo re matengo.”

“ 'A guna ḇato ga'a dawongo ngowa 'olo so'o nena-ne sababu unanga gena-ge 'o mete'e Ngoi, unanga gena-ge ma tero ḏi'i 'o dawongo Ngoi. Re pa'i Ngoi ḇato ua, mada'a 'o dawongo Unanga ga'a 'O cumutu Ngoi.”

Ni ngaku mode-mode'e 'Ari demo-demo nena-ne: 'A guna ḇato 'o pula'a ngini ka'e pa'i ḇanyo ḇato sababu ngini mete'e Kristus, ḏuanga i'a mode-mode'e 'u sanga manga ngogele ra Ma Jou'ongu Madutu.”

“Mada'a na'o 'a guna ḇato 'o sigasa ngowa-ngowa'a ma pake ua ma tero sa'olo ngowa 'olo nena-ne, singadolo ananga 'aḏi ngaku Ngoi riwara, Ma Jou'ongu Madutu 'o sihukumu unanga gena-ge lebe tubuso i'a. Jobilaha maḏi la-lamo'o 'i siḏobe tai camala, kara siupa'a unanga toma ngoloto.

Re ngini ninga la'o kaci moi 'i sigasa ngini ni madaga'a ḏosa, ni cuḇulenge 'o la'o gena-ge! Jobilaha, ngini ni osama nyo-nyoimi ra Ma Jou'ongu Madutu 'ai Pareta reninga la'o kaci moi ḇato, reo reninga la'o kaci ḏiḏi ni osama toma naraka ma dara.