Popular Bible Verses from Mrk 14

Share

Afa aku: Abba, Tatana, ku Wene hinkwaswu swakoteka. Trhindreta a ntrheko lowu kule na mine. Kambe, kungayentxiwi a kurandra kwanga, kambe im'na, akuyentxiwi a kurandra kwaku.

Hitekani, n'wikhongota, akuva n'wingatihluliwa hi ndringo. A moya waswirandra, kambe a miri mini gome.

Nihlayelamfuri nili ku n'wine: Amisaveni hinkwayu lomu kutakareriwa Ivangeli, kutahlayiwa leswi ahaka kuswiyentxa wansati akuva atadrimukiwa ha swone.

kutani aku: Nitwa kuvaviseka ka kufa. Salani kolahu n'wilavelela.

Amakari ka xilalelo, Yesu ateka kati, adrikatekisa, adrikhemelela, anyika vadondrisiwa, aku: Tekani, leyi i miri yanga.

Ntrhaku ateka ntrheko, awukatekisa anyika vadondrisiwa vanwa ha wone hinkwavu. Kutani aku ku vone: Leswi i ngati yanga, ngati ya xipfumelelanu (lexi ximpswha), leyi yihalateliwaka lava vanyingi.

Yesu aku ku vadondrisiwa vakwe: Hinkwenu n'witanitrika, hikusa a Matralwa mali: Nitaba a mubyisi a tihamba titahangalaka.

Sekelekani, ahifambeni. Awata swoswi lweyi aniwongaka.

Kambe Yesu aku ku yene: Lavisa, Petrosi! Avusikwini byolebyi, na nkuku wungasinayimba kubiri, utava unilandruli kuraru.