Popular Bible Verses from Marko 9

Share

Yesu ya mu volera, Nu u va nu u nyala Vindu vyosi vi nyalika kuye u suuviranga.

Nonoho ise womwana va gamba na a vola, Mwami, nsuuvira; u konye livula kusuuvira lyange.

Lwa yingira mu inyumba avegidzwi veve va mu teva makiriri, Kigira ki kwinye si kwa nyala kugutwulidza? Ya va volera, Ku yigu si gu nyala kutwula, navutswa ni lisaala lyeng'ine, ne lihonga lilia.

Munyu nu mulahi: navutswa munyu ni gwoneka, mu la gu hambiridza naki? Mu ve nomunyu mu mwinye, mu menye mu mirembe avene na avene.

Ku vosi u li bugirira mulala ku vana va li ndi kigira lieta lyange, a bugirira inze: u bugirira inze, si a mbugirira, navutswa a bugirira wa ntuma.

Ku vosi u mu letera kisandn kyamadzi kunwa kigira mu veye avandu va Kristo, ligali inze mmu volera, madanyi gege si ga li nyala kugota mba.

Navutswa ku vosi u likigitalidza mulala ku yava vakekeke va suuvira inze, bulahi kuye lu sungwe lugina lunene mwigoti mwimwe a tebwe mu inyanza.

Imoni yoyo ni kwikigitalidza, u gi twulidze: ubulahi bwokwingira mu bwami bwa Nyasaye nemoni indala bu vita kuva netsimoni tsiviri, na u sikiswe mu gehena