Popular Bible Verses from Marko 8

Share

Ku vosi yenya kuhonnya liva mwoyo lilye a la li gotidza; kandi uyu u gotidza liva mwoyo lilye kigira inze nevangeli, a la li honnya.

Mundu na a va na a nyola vyomu lirova vyosi na a gotidza liva mwoyo lilye, vi mu konya ki?

Ya langa avandu navegidzwi veve, na a va volera, Mundu na a va ni yenya kunonda, yegaye, a ginge musalaba gwigwe a nonde.

Mundu a la gulidza ki liva mwoyo lilye? Ku vosi u vera inze tsisoni namakuva gange mu likula lyobuheyi yili nelyobwoni; Mwana wa Adamu a la mu vera tsisoni, lwa a li duka nobu kumi bwa Ise wewe netsingelosi.

Ma ya va teva, Navutswa mwinye mu vola inze ni bwaha? Petro ya tivula na a mu volera, Ive ni Kristo.