Popular Bible Verses from Marko 4

Share

Na a vuka na a gaya imbuudza, na a volera inyanza, Kiring'ana, u leng'ere. Nembuudza ya hera, ni gu va muleng'era munene. Na a va volera, Kigira ki mu tidza ndi? Mu kikiri kuva nelisuuvira?

Ma va tia munonono, ni va volerana, Ibwaha uyu, kali imbuu dza nenyanza i mu hulira?

Mwene ya li na a ve mu liato hanyima, na a gona tsindolo ku muto: ni va mbukidza, ni va mbolera, Mwegidzi, si ki veye kindu ku ive, kwinye ku divanga?

Na a va volera, Mu henze bulahi aga mu huliranga inengo ya mu geranga mu, kandi mwinye mu la gererwa mu: namwinye mu la medwa.

Na a vola, ubwami bwa Nyasaye bu veye ndiyo, kuli mundu a midza bugutsa a tage mmarova na a gona na a vuka ubudiku nombasu, nibwo bugutsa bu mera bu viruka, a vula kumanya kuli wa bu viruka.

Mu ndu na a va namatu gokuhulira, a hulire.