Popular Bible Verses from LUKAS 17

Share

Dara onoʾ Yesus adya gibel yoknya bek an, ”Anda sekmenekanya bilom. Anda nak dib senewanelemaʾ adya, anda seleb merelam,” hyok.

Alda neik sum enyek, lika sekbadya so anak malya ubgelyekanya, alja anak sobaʾ yeiniboka nara aldib malya ubgen aboka laga lebgelya dara, wera anda alak sobaʾ meebdanarum,” hyok.

Dara nimi ben hnonjok, alda seleb merewan senewoka ella ubdok dara, bera saaboka Imik Neyung nauba gibgiga Yesus ak nekel yeilimok. Dara Yesus saram nong ok hogung dib malyingginiboka, Yesus ak perob aboka gimok. (Ban unuwoknya bera Samarianya bedya unumok.)

Anasa ugunda pe keeboka diri uldalalulum!” ”Anja hembe malya ublya dara, alak omoma leblom. Wenyek alda ganya dangawalya dara, danyek or meebdanarum.

Danyek Yesus adya, ”Nimi sagobadya nang hwebnenggumna de? Soubnabadya nang era hanyagar ulumak do?

Danyek Wenelesilnya bedya sikenek lebsukaʾ ara, ”Ugunja dib senewoka ganya oloknaʾ anyek geibya dok anaso dara, nginya gal ak lebnesomja, dama deleboka mek gwan dubuk sam meldal bilom, henesom dara, wera gal eneba ugunja yuba keboka unuwanamso,” hyok.

Nadya nonga hyak pe blebdonun senelemak nim era, sikda weiningdanamak. Bok sik weiningdanamak nim era, sik nonga blebdanamak.

Yesus adya alja yuba doro diriga ban nang ek, ”Nim ek malya ul eleksinaʾ ara sob ulumnamla. Bok malya ub eleganesilnya be nong anyek, hyak omomaʾ ak ulumla! Yokaʾ gwablemak girik edya ngang ak geregoka mek ek al nonga boboganeseng dara perob. Hnon yok me nenyek benedya malya unaʾ ub elegalyaʾ anyek, omom nonga dalyek.

Nimi dibaʾ me yanamla sum era, Nuh ulumok salek ek ulumek sok diligaʾ danamla. Ban salek era, nimi nidyaʾ ara gwanenga meka deregoka, gela dobdangoka, al nenyek ok unuro ulumekaʾ ara, Nuh bera mek ekla bunaʾ ak wekel yabok sum era, sikda nidyaʾ ara mek adya dengaboka obsuk.