Popular Bible Verses from Tekang Kbuten 45

Share

Bê ye abay hesbeweg kehedem ye ne bê ye abay nsel knô ye bè yóm kehbalù ye dou edini. Kaem Dwata se yóm eles htukô dou gna kuy edini anì là matay ye.

Yó gónóm mon, là kô yu du yóm hógów dou edini, kaem Dwata. Deng henbalingen ou mò geta bè yó kem genlal Faro. Ou se snaligen bè klamang yóm benwu nogoten ne ou se gubérnor bè klamang Idyip.

Dwata se eles hegna dou edini anì wen lanu tmóbóng kuy anì là matay ye bè nim tey bitil bong ni. Deng kun kmò du Dwata nim ni anì mowil ye dalang se yó kem semfu gu bélê ye.

Omin Jusif bud mon du mò kul, “Yake hloni ye edini dé.” Tahu se, hloni le. Ne monen mò kul, “Ou se Jusif, yóm twoli ye tehe hbalù ye edini bè Idyip.

Hanà gewuhen halay ni he mlan yóm bitil bong, limu halay he duen laen dù dmadu ne laen se dù muta.

Omin Jusif mudél ebè yó kem dumuhen setwoli, monen, “Ou se Jusif. Tolo mowil he kô mà?” Okóm bè yóm kungol le du yó kem twoguhen yóm monen yó ya tey sidek klikò le, là kô gbalà le du yóm snólóken yó.