Popular Bible Verses from Tekang Kbuten 35

Share

Ne yó mon Dwata mò du, “Ou se yóm Dwata laen dù là gbeken du. Holi mból anì baling ye sotu but benwu alì mbegel efet dê dumu but tau ne wen kem tau hol geta semfu gu béléem. Yóm benwu ni, deng tehe hfunu ke téméem Abraham ne maem Isak, ne ni bud hfunu kóm snéen dalang se yó kem angat semfu gu béléem.”

Mdó tekuy bè ni,” mon Jakub, “ne mógów tekuy etu bè Bétél. Bè yó gónóhu mò du yóm mò gónó demsù ebè Dwata, yóm Dwata tehe tmóbóng dou bè yóm tehe kwen gfau, ne deng eles tendo nô béléu snéen kihu gónóhu e solu.”

Yó mon Dwata mò du, “Jakub se yóm boluyem, okóm lenwóten ni yó tles boluyem Israél.” Duhen yó, yó tles boluy Dwata ke Jakub Israél.

Tahu se, lemwót Jakub ne yó udélen ebè yó kem fes lówóhen ne ebè kdê yó kem tau nô béléen, monen, “Gotu kó ye yóm kdéen dwata lennged lemwót bè tólóng benwu deng nô bélê ye. Dyo ye anì mólós ye ne lesek ye yóm nes mólós mò gónó ye hegfan du tek són Dwata yóm hol nimón ye.

Yó udél Dwata ebè Jakub, monen, “Ó Jakub, géhéli mili ebè Bétél ne menwuhi bè yó. Budi semsodò botu mò gónóm demsù ebéléu bè yó. Ou se yóm Dwata tehe hegfan béléem bè yóm tehe kehlóyem hlayuk bè twoguhem Iso.”

Okóm yó hol són alu udél Rakél, monen, “Yó boluyu du yóm ngà ni, Binoni.” Ominen yó matay. Okóm yó kun boluy du maen, Bindyamin.Bè yóm katay Rakél, lebeng le bè yóm kilil lan mógów ebè Ifrat. Yóm kmoen ni, yó boluyen yóm benwu yó, Bitlihim.