Popular Bible Verses from YOHANES 15

Share

Aku toh batang anggor, tuntang keton toh kare edae. Oloh ije tetep hinje dengang-Ku tuntang Aku hinje ie, ie kareh mamua are; basa amon Aku jaton, keton dia tau mawi taloh en-en.

Keleh keton tetep hinje dengang-Ku tuntang Aku mahin tetep hinje keton. Edan kabuat dia tau mamua amon ie dia tetep intu batange. Kalote kea keton baya tau mamua, amon keton tetep hinje dengang-Ku.

Amon keton tetep hinje dengang-Ku tuntang auh ajar-Ku melai huang atei keton, laku ih dengan Bapa taloh je ingahandak keton; palakun keton te kareh inenga.

Dia ie keton je mintih Aku. Aku toh je mintih keton, tuntang manyoho keton haguet mangat mamua are – iete kare bua je dia tau binasa. Maka Bapa kareh manenga akan keton en bewei je ilaku keton dengae huang arang-Ku.

Oloh je paling sinta dengan sobate, oloh te je manenga pambelome akan ewen.

Gagenep edan huang Aku je dia mamua, inetek Awie, tuntang gagenep edan je mamua ingurang kare dawee tuntang irasih Awie mangat labih are buae.

Parentah-Ku iete: Keleh keton hasinta sama arep keton, sama kilau Aku sinta keton.

Amon keton mamua are, Bapa-Ku impahai; tuntang awi kalote, keton toto-toto manjadi murid-Ku.

Koan Yesus tinai, “Aku toh batang anggor je bujur toto, tuntang Bapa-Ku te tukang kabon.

Oloh je dia tetep hinje dengang-Ku, kareh inganan sama kilau edan palus keang. Kare edan je sama kilau te kareh imumpong tuntang inganan akan huang apui, palus inusul.

Taloh handiai toh insanang-Ku akan keton, mangat kahanjak-Ku aton huang atei keton, tuntang kahanjak keton manjadi tinduh barasih.

Amon keton malalus kare parentah-Ku, keton tetep heret dengan sintang-Ku sama kilau Aku heret dengan sintan Bapa awi-Ku malalus kare parentah Ayue.

Jetoh ie parentah-Ku akan keton: Keleh keton hasinta sama arep keton.”

Jaka ih keton toh ain kalunen, keton kareh inyinta awi kalunen kilau oloh ayue. Tapi Aku jari mintih keton bara kalunen toh, jadi keton dia hindai ain kalunen. Jete sababe kalunen basingi dengan keton.