Popular Bible Verses from YOHANES 14

Share

Kahanjak impelai-Ku akan keton. Kahanjak ayung-Ku kabuat je inenga-Ku akan keton. Taloh je inenga-Ku te dia sama kilau je inenga kalunen akan keton. Ela gogop, ela mikeh.

Yesus tombah, “Aku toh jalan hapan mangasene Hatalla tuntang mandino pambelom. Ije biti mahin jaton oloh tau dumah manalih Bapa, amon dia mahalau Aku.

“Ela atei keton gogop,” koan Yesus dengan ewen. “Percaya ih dengan Hatalla, tuntang percaya ih dengang-Ku kea.

Tapi Roh Hatalla, Pandohop je akan inyoho Bapa huang arang-Ku, Ie te je kareh majar keton taloh handiai tuntang mampingat keton tahiu taloh handiai je jari insanang-Ku akan keton.

Oloh je manarima kare parentah-Ku tuntang malaluse, oloh te je sinta Aku. Bapa-Ku akan sinta kare oloh je sinta Aku. Aku kea akan sinta oloh te tuntang mamparahan arep-Ku akae.”

Aku handak balaku dengan Bapa, tuntang Ie kareh manengae akan keton Pandohop je beken, je kareh melai hinje keton sampai katatahie. Iete Roh Hatalla je handak mangarinah katoto tahiu Hatalla. Kalunen dia tau manarima Ie, awi kalunen jaton mite tuntang jaton mangasene Ie. Tapi keton mangasene Ie, awi Ie melai hinje keton tuntang kareh hinje dengan keton.

Tuntang taloh je ilaku keton huang arang-Ku, jete kareh ilalus-Ku akan keton, uka Bapa impahai mahalau Anak. En bewei taloh je ilaku keton huang arang-Ku, akan ilalus-Ku.”

“Amon keton sinta Aku, keton kareh malalus kare parentah-Ku.

Hong human Bapa-Ku are eka melai. Aku haguet akan kanih uka manatap eka akan keton. Aku dia handak hamauh kalote dengan keton, jaka puna dia kalote.

Limbah Aku haguet manatap eka akan keton, Aku kareh haluli manduan keton, uka hong kueh Aku aton, hete kea keton aton.

Palus Tomas hamauh dengan Yesus, “Tuhan, ikei dia katawan akan kueh Tuhan haguet, kilen ampie ikei katawan jalae?”