Popular Bible Verses from EKSODUS 15

Share

Koan TUHAN, “Tumon auh-Ku toto-toto, tuntang lalus taloh je tumon tirok-Ku bahalap; tumon uras kare parentah-Ku. Amon keton mawie tumon te, keton dia ihukum-Ku hapan kare penyakit je iawi-Ku dengan oloh Misir. Aku toh TUHAN je mampakeleh ikau.”

TUHAN pandohopku je abas; ie je manyalamat aku, Ie Hatallangku, aku handak manara aran Aie, Hatalla je inyembah tato hiangku, aku mampahai Ie.

Hatalla je kueh je tau mananding Ikau, o TUHAN je pangkahai tuntang barasih? Eweh tau mawi taloh heran tuntang gawi hai kilau TUHAN?

Ikau mimbit bangsa je jari inyalamat Awim toh, awi Ikau baketep dengan janjin Awim. Hapan kaabas hai ewen ingalindong Awim tuntang ingagalan Aim akan tanah Ayum je barasih.

Palus ewen sampai ije eka arae Mara. Tapi danum intu hete bapait toto, sampai dia olih iihop. Tagal te eka te inampa arae Mara, rimae bapait. Palus kare oloh te bakotok dengan Moses tuntang misek, “Narai je kareh ihop itah?” Moses balakudoa toto-toto intu TUHAN, palus TUHAN mamparahan akae ije katetek kayu. Kayu te injakah Moses akan danum, balalu danum te jadi batawah, sampai olih iihop. Intu eka te TUHAN manenga kare atoran akan ewen, tuntang intu hete kea Ie maningkes ewen.