Popular Bible Verses from KORINTUS 2 9

Share

Sin ki Allah in mokawasabí mobogoi in barakat kon i monimu, sinbá tantú oyúon in pakéon monimu; bo bá tantú oyúon in pogaid monimu kon inta mopia bo potuḷung kon intau.

Táe poigumonku mako moiko mobogoibí takin pia in gina, diá tongá pakisa, sin intaubí inta mobogoi takin pia in gina in kotabi i Allah.

Torop kopira in singogku naa! Intau inta nomuḷa kon topiḻik, topiḻik doman in mouḻínea, táe intau inta nomuḷa kon nobayong, yo mobayong doman in mouḻínea.

Sinadia-Neadon bibit kon intau inta mogogambor bo kaanon kon i naton. Siabí doman inta moposadia in bibit inambor monimu tatua, sinbá bungai in kopopia in gina monimu moguntu-guntuḷ domandon. Aka natua yo moiko in mobaḻí bidon mooyúon kon bayongan in yagi-yagi, sahingga moiko tantú mobogoi takin pia in gina. Bo onu inta inogoi monimu inta sinila-silaidon mako nami tua, nobaḻí dodoyonan kon mobayong totok intau in mopoyaput in sukur moantó kon i Allah.

Posukurdon kon i Allah sin diá in poḻiu kon barakat inogoi-Nea.