Popular Bible Verses from MARKUS 9

Share

Nangulimo Yesus ka i'a, “Pangulimu, ‘Ane Komi mamala mowia bara nuapa.’ Tapi kakonona pura-pura namala majadi ka tau to nomparasaya!”

Kaliu-liu nongaremo uma nu ngana etu, “Aku nomparasayamo! Tapi tulungimo, pomparasayaku e'i danalente!”

Tempo Yesus nesua raranjapo ante anaguruna, nekutanamo ira ka I'a, “Pue, iwenu sampe kami da'a nompakule nompopalai seta etu pani'a?” Nesonomo Yesus, “Seta ewa etu da'a namala rapopalai ante akala ntanina. Tapi aga ante posambaya.”

Gara nabelo, tapi ane gara majadi nameli, iwenupa wo'u mompakapaga bali? Iwetu wo'u komi kana mompopokita belo riara nggatuwumu, pade tunggai mosinggabelo ante roa ntanina.”

“Isema-sema nantarima samba'a ngana nggedi ewa ngana e'i sabana i'a topomparasaya Aku, i'a nantarima Aku. Pade isema-sema to nantarima Aku da'a aga Aku to nitarimana, tapi i'a wo'u nantarima Umaku to nompakau Aku.”

Aku mpu'u-mpu'u notesa ka komi, isema-sema mombawai ka komi ue inu sabana komi topantuki Kristus, natantumo i'a kana mombarata tambona banepia.

Pade isema-sema mombabagiu samba'a ngana nggedi sampe i'a mana momparasaya, nabelopa ane saongu watu bete raso'o ri tambolona pade i'a ratajiaka riara ntasi.

Pade ane matamu manggeni komi mowia silaka, su'i kaliakamo matamu etu! Nabelopa komi mesua matuwu mabelo riara suruga ante momata sabingga pade ratajiaka riara naraka ante mata to maganana.