Popular Bible Verses from MARKUS 10

Share

Sabana Aku, Ana nu Manusia mboto da'a narata ri dunia e'i ala ratulungi ntau tapi ala mantulungi tau, pade ala mombawai koroku rapatesi mantolo silaka-silaka ntau dea.”

Yesus nombalele mata ira pade nanguli, “Ane aga nggari manusia, natantu da'a mamala majadi. Tapi da'a iwetu ante Alatala. Sabana pura-pura mamala majadi ane I'a madota.”

Pade nangulimo Yesus ka i'a, “Panjilimo. Nabelomo matamu sabana iko nomparasaya.” Kaliu-liu nabelomo mata ntoburo etu. Pade nalaumo i'a nantuki Yesus riara mpolumakona.

Sabana etu nuapa to nipakasaongu Alatala, ne'e rapopoga'a manusia!”

Pade Yesus nombalele mata tau etu ante towena, pade niulina ka i'a, “Aga sangelepa to nakura ri ja'imu. Kalau pobalu puramo kakalumanamu pade palelemo doina ka tau-tau nakasiasi ala murata kakalumana ri suruga. Maopu etu kamai, tukimo Aku.”

Pade nekutanamo Yesus ka i'a, “Nuapa to mupodota kupowia ka iko?” Nesonomo toburo etu, “Guru, to nipodotaku ala mataku mamala mekita!”

Tapi da'a masipato komi moinggu iwetu! Kakonona kana iwe'i: Isema-sema nggari tatongo komi to madota malanga panggana i'a etu kana majadi topantulungi roana.

Aku mpu'u-mpu'u notesa ka komi, da'a ria samba'a tau namala majadi todea riara Poparenta nu Alatala ane i'a da'a mekou ri ja'i Alatala nasimbayu ewa ngana-ngana e'i.”

Tapi nadea tau to nalanga katuwuna we'i-we'i kana majadi tau to naede katuwuna banepia. Pade nadea wo'u tau to naede katuwuna we'i-we'i kana majadi tau to nalanga katuwuna banepia.”

Tapi da'a iwetu ri lamba pamulana tempo Alatala nompajadi dunia. I'a nompajadi manusia langgai bo besi. Etumo sabana samba'a langgai kana mompalasi indo umana pade maroo ri ja'i rongona besi, pade ira romba'a kana majadi samba'a. Ira mana rauli romba'a, tapi damo samba'a.