Popular Bible Verses from Yohanes 7

Share

Ye gato onyar kem mo Ji ne anato tepsu sukdu gato yé krom mo Yefun bi sukdu sare do, ’Kadit an mit syur it tepsu syur nggrup ete syesyar mu nden. Syur ne ben yetu mbau.’ ” (

Ye konwa kam sye kam bok ne kom mo kam gato ye bes gum kok gato kam wari ne sa, Yefun Yesus ti mo yé mwa gwem mo Yefun Allah bi nu, ete An saiye do, ”Nin sosa mó yo, nin ma mo Ji, ete Ji syo syur nai nin da.

Yefun Yesus bi sukjimnut do, syur ne anato Yefun Allah Gen. Bere Yefun Allah Gen bok nggwa mo ye gato onyar kem mo Yefun Yesus. Tomgane Yefun Allah Gen yo ma nde tó, we Yefun Yesus kwop, ete An it satu mu mo An bi Ai nde tó.)

Nin ki nje gum ibit mo suk gato nin dakai me su nin gro daret nde, wo nin nutbot sisu ndo, nin watbot kom mo mit, orete nin nai sukjimnut gato sangge et.”

Ye gato ki an dakai bi sukduno-i yo, an werwa an dakai bes an nggwa kok mone. Sarewo an werwa an bes Ye gato syogat an ma ne yo, an sa, ye gato ki bi sukdu-i ri roi anane, an yo kidar nje yo mo nde.

Yefun Yesus ki nai yepasye ne do, ”Ji ki Ji bi sukduno-i are nde, wo Ye gato syogat Ji ma mo bur ré bi sukduno-i anato Ji ki ré.

Yetu mo bur ré bere án yo bariket nin nde. Sarewo Ji ki yetu mo bur ré mo sukibit gato yé ben ne bu anato án bariket Ji.