Popular Bible Verses from KEJADIAN 13

Share

Kweang hat heilenggen yethegen mene andoma mondogat hat hebe inom, haren tagomangge mene inom, eise asimbik mondok-mondok logobagaigeluk wokhisagain o.

At Lot arat lagaikhemo nen he, at TUHAN nen Abram mel yagatikhe: ”Hat hebe mendek welagen oba aremat mendek logolik, heilenggen elikwe, yikwe, polikwe, malikwe mondogat yethano o.

An nen he, haren tagomangge mene inebe mondok hokhorogo, ilingage kweangma inenggi wenasu mondok elo'lek welagarek andi hak, hinebe inenggi wenasu mondok elo'lek mene hilinghinabigin o.

Inagoromi wam konhi lagaukwa mene wene a'nogo palhi lagaukwama, at Abram en Lot mel yagatikhe: ”Nit ninebe misigen tago hilingi'mo, hat hagoromi inom, an nagoromi inom wene a'nogo pali'lagwi andi weago.

A'nogo yagatikhemo, at Abram en o sabu wutikhe mene a'nogo waluk, e Allah agayo afuni nen Allah faget hilingiti logogun oba era'lu enu Mamre andi re, o Hebron era'lu horogatma re, andoma wusi wagaikhesik, yi mene ti mene TUHAN faget warogo noleti logogun oba obalik mezbah wutfesikhe.

A'nogo yagatikhemo, at Lot eilenggen esanggokwe yethasikhesik, i Yordan ima o kota Zoar huli yethasikhe re, andoma i mondok hokhorogo were'ma TUHAN agayo enggen yabumo hangge inom, o Mesir hangge inom, were'ma yethasikhe. (O andoma TUHAN nen o kota Sodom inom, Gomora inom, oan felelenghogo inoati'lek werek kwelek o elokhe fano mondok a'nogo welagaikhe andi.)