Popular Bible Verses from Matiyut 26

Share

Niniki nen obeelom eeriyak mbakwi kwe, nineebe nen eeriyak meek ee'ninake menggerak me, maluk eeriyak kinikime nggagani wage kero, tum wako logonet, tamban eeko logonip o.”

Age nagagerik, “Wologwe wae. An niniki puru ari logonet, kambuurak ee'nake me, kit yime logonet, tum wakwi, ndi, an togon tum wakkola nage, eeruwok o.”

Yoraanuk, nirurogon nage nagagerik, enete wanduk togon nggween paga ngginna'nuk, Ala yoge logonet, “Ai, nogoba. An ee'naburak yiiwa'na toolak kwak yi, noorak lek teppaniyak op mbake keenok, teppanu o. Ndi, lek kenok, an niniki mbake eerigin ti lek o. Ata, kat kiniki mbake aret eerigin o,” yinuk, tamban eereegerak.

Yorage nagagerik, amburu yiiwa'na toolak nogo eenggime waganogo, “Nogoba Ala wa,” yinuk, wogorage logonet, “Kit aap ambik kinomaluk lek eerogo pinaganuk, Ala kinom lambumbinagarak wone abok yokkirage yi, kit abet mbarubagip nduk, namiya kilirik aret me, kit abok aret nanip o.

Yoge nagagerik, mbi nonggo logonet, at Yetut nen roti eenggime wagangge nagagerik, “Nogoba Ala wa,” yinuk, karerogo, at oone waganggwi nogo wogorage logonet, “Roti yi, an neebe aret me, waganogo nanip o.”

Yorage nagagerik, amburu yiiwa'na toolak nogo eenggime waganogo, “Nogoba Ala wa,” yinuk, wogorage logonet, “Kit aap ambik kinomaluk lek eerogo pinaganuk, Ala kinom lambumbinagarak wone abok yokkirage yi, kit abet mbarubagip nduk, namiya kilirik aret me, kit abok aret nanip o.

Tamban eeke nagagerik, at oone waganggwi nogo inowagam wagagerak. Wage nagagerik, nogo yugwi enegen iige nagagerik, Peterut yoge logonet. “Wulaga. Kit ne ambiriluk ninom tum wako logorak meek kenok nogo yogo ogotik?

Ndi, an ta, o yogondak yi kuli paga nen nok, peebi an nogoba abu'me piige menggim logonet, anggur amburu ngget mendek ninom noorak eyom ari waga'lek kagak, an anggur amburu yi, nengga'lek aret logogin, yokkiragi o,” yoragagerak.

Ayam oone ari mbareegi, at Yetut nen, “Ayam oone awo yaga'lek kagak, kat ne kenagan paga, Yetut ti, an neenggo'lek, yumunggun o,” yinuk, yoreegerak nogo, at Peterut iniki abe'nage mbareegi, wundi nanuk, iniki puru ari logonet, le nggwok yereegerak.

At neebe nooruwak nduk, nonggo mbanggerak nogo muk koorok wage yi aret me, nawok nduk, mi'na'nip o,” yinuk, yoragagerak.

Tabonogo nappege mbareegi, at Yetut nen, “It aap paloowi paga inookwi iinok, it nen onggo paloowi paga aret inooko menggaarak me, kobaloowi ti, awiina yonggolu o.