Popular Bible Verses from Yaya 20

Share

Inale'nggen ambik mbakwi iigak, Yetut nen ambinom yorage logonet, “Noreewi o. Kiniki kwippinip o. An nogoba nappani wagagerak nogo kwak, an nen kit nappinagage agarik o.” Yorage nagagerik, ambe aagi inoba pu eerogo piige logonet, “Aberiniki kolaanip o,” yorage nagagerik

Yoge mbareegi, Yetut nen at yoge logonet, “Tomat wae! Kat kenegen neege nagandik, kiniki noba panggombunuk, abet nombakendak kwe, it aakumi ando inigen neega'lek logonet, iniki noba panggombunuk, abet nombakwi iinok perak, iniki ale'nggen ambik kogo logogun o,” yinuk, yoreegerak.

Yorage nagagerik, Tomat nogo yoge logonet, “Tomat wae. Keenggi an neenggi yi, pi'nake logonet, nawinobam pekkage, ndi, kobaak ngginogo nobate pelenak me keenggi mambege, ee'nake logomenggendik, kiniki yungguppegak eeke logonet, abet nombaka'lek logorak ti mage o. Ata, kiniki noba panggombunuk, abet nombake logot o,” yinuk, yoreegerak. Yoge mbareegi, Tomat nen at yoge logonet, “Ai! An nogoba Ala kat aret keegi o.”