Popular Bible Verses from Roma 3

Share

Nit akhuni tha'bokhogonat haganeat nen weak hagakhorek iti baga, Allah ebe hogorakho motok welageikharek meke iti thogotdisalok ninasokneat walegat asi lagagusik welago. Itithogon werekma, at weak meke nen herle warogo haknisik werekma, at Allah obabut hano nen Kristus Yesus nen werlegat oko dek herle hisalogo tilninabuagaluk la'i ageikhe. Itithogon tilninakhe dogolik, wene ninoba meke korogo wokhasikhesik Allah ninom ninapuke hunogo 'binanhikhe iti.

Itithogon mekeat he, yogotak Allah nen, at ninom hunogo binanusak wene thelekmatdekhemo werek. Iti re, ninasuk wakhikhe wene iti hologo mothogon hagakhe lago nen, yabokane hunogo 'binageiluk isikhe 'buk. At he, nit ninetaiken Yesus Kristus oba hakotdisinem hunogo 'binageiluk isikhe o. Itithogon hunogo 'bisagein iluk abok, wene at nen ninasuk wakhikhe wene etnogo baga igik, at ane yogeisekhe lagoukha meke nen igik, isukha tak-tagat hunogo 'binageiluk isikhe. Iti re, nit akhuni tha'bokhogonat ninetaiken Yesus oba hakotdogorek meke hunogo tomok dek. Ninom tak-tagat hunogo 'binageiluk isikhe iti o.

Alebageik, at Allah nen, nit akhuni weak hagakho korlek, ninakhidek obakhanini hapugutdiluk welageikhesik nen, yogotak at obabut mothogon hagakherek etnogo ekagat hagatlasuagaluk, Yesus la'i ageikhe. Wageikhemo ebe wakhunem amep usageikhe iti baga, nit akhuni ninetaiken at oba hakotdogo meke, at ninom ninapuke hunogo 'binanuagaluk la'i ageikhe. Allah nen nit akhuni ninetaiken Yesus oba hakotdogo meke, wene ninoba meke korogo wokhalok at ninom ninapuke hunogo 'binanhe dogolik, at mothogonat hagakherek iluk yogotak obabut ekagat hagatlaga iti.

Wene Allah nen ninasuk wakhikhe wene iti baga, nit akhuni weak hagakhorek meke ekagat ninilu agorek iti nen, nit tha'bokhogonat wene at nen ninasuk wakhikhe wene iti holek dogolik, at il oba mothogon hagasusak erlok dek o. Hologo hagakhe dogoumo, at nen ninom yabokane hunogo 'binanusak mekeat he, erlok dek o.

Allah nen itithogonat isikhemo, holal waganogo 'bekhe dogolik, men isukha, “Akhuni inobabut mot hagakharek meke ageikhe dek o. Opakiat ageikhe motok degat o. Nen, akhuni wene hutdiliogei meke ageikhe degat o. An Allah nebe hutukhogon inilu asuogoluk heraknabiogei meke ageikhe degat o. Inebe tha'bokhogonat an noba mothogon wageidek, holak mirlokhogon arat nuk atluk alomatlageikha. Inobabut hano hagariogei meke ageikhe motok degat. Opakiat ageikhe degat o.

Wene iti hasik nit hutdusak yigithogon. Nit nen wene Allah nen ninasuk wakhikhe wene etnogo hago dogolik mothogon hagakhunem, nit weak hagakhorek meke degetdiluk, at ninom ninapuke hunogo 'binanherek 'buk. Ninetaiken at Yesus oba hakotdisinem, ninom hunogo 'binanherek o.

Motok dek o. Akhuni inebe dopok inane inekalat isi halok he, Allah ane eberogonat anek ekherek, iluk wene holal waganogo 'bekhe dogolik, men isukha, “Hat Allah hane eberogonat anek isinem eberogonat anek agarek. Akhuni nen erlok degetdagouogoluk hagakhunem, hat erlok dek agatek dek o. Hobatne anek agatek,” iluk holal waganogo 'bisukha iti.