Popular Bible Verses from La'isasikhe 3

Share

Iti nen hit weak hagakhe lagap meke iti, ninopase Etagapogot Allah nen thagalogo degetdiluk, hinetaiken hasik hinil ekathogon hagathinabi ageik, at nen, Kristus hinebe tilhinakherek meke hinoba la'isigin, iluk abok yogeisasikhe etnogo ebe Yesus itiat hinoba yabokane la'i ageik, hagasuak nen, hinobabut hebelatluk hinelokhe Allah wogotno o.

Ileken inoba werekma, at Petrus nen men yogokhikhe, “Uang emas men, perak men, an nikimo motok dek o. Meke re, an werek meke ageikhe wokhesigin. Iti re, hebe melatluk nen holak laga dogonogoluk, Yesus Kristus ai Nazaret meke etaga palogo yikhikhi,” iluk yogokhikhe.

Itithogon yogokhikhesik nen, iki ebeke hago nen meldisikhe. Meldisinem, ap etnogo isok weak werekma, isok ukut inom, akulim oak inom, eranogoat obatne ageikhe. Obatne ageikhesik, metokhogon melatluk nen, holak nekhe lageikhesik, Petrus Yohanes ipisak inom Allah ai halekma ukisukha. Ukisi dogolik, ap etnogo nen Allah hogorakhe dogolik, ya hologothigik, ta hologothigik, ukisikhe.

Ap isok weak welaga meke yi nen, Yesus iti eberogonat, iluk etaga palogo, etaiken at oba hakotdekhe iti baga, ap yi hinileken hekhe lagap meke, ebe hinilu meke etnogoat obatne aga yi. Etaiken itithogon Yesus oba hakotdekhe iti baga, hit hinil obaat motok hanotdekhemo yi.