Popular Bible Verses from MAREKÙT 6

Share

Atì'nogo yogotenem, apùnì apik atoma lagìk, wagìk, ikenem he, sùpùrùk nìkì'nogo na heat haga'lagaikomo re, at Yesùt en agoromì mel yogoisasike: “Set hamùlùgat halok waloageip en he, o apùnì inareng le'ma ninalepma kek hogo lùok o,” ìlùk yogoisasike.

Ina'la meathesukwama, at Yesùt en he mel yogoisasike: “It ap Ala ane yogoisagarek mene atì re, o yì awì tì awì laganem, apùnì aike nen agauk hogo yogoisagarek meneat he, o inokawerek inaua eroma laganem it inogogì inagaikùgì mel, inaua omakìma welagaikarek mene mel, it en enek he, agauk hogo yogoisagarek lek o,” ìlùk yogoisasike.

Lagaukwasik he, at Yesùt so a'la nen inoba wùlìpikesik, eileken apùnì logolek amanogo lagisìlìk etawìrinabìk, mel isike: “It yoma wam topa wam konharek hak, ap koninabu mene inebe lek en werek yì, netawìlak e,” ìlùk yì wene tì wene apigat yakùlisasike.

Atì'nogo hagasukwa atì nen, at Yesùt o atoma logolìk elalin mene aike hagatì'lek kamo isike. We, apùnì ou inoba mene inebe hamùlùgat enek eki hagisìlìk hagarinapike. Hagarinapikesik he, it apùnì atoma mene nen at ebe ina'la meathesukwa atì hesik, at a'la nen, “Egi! nayùk e,” ìlùk akasikesik he, hobuk o atoma era'lukwe o wùrìkkwe wane yakùlisìlìk nìkì lagaike.

Atì'nogo arat hù'larik lagaukwama re, at Yesùt en sùpùrùk horoti mene 5 nen aremnogo mel, ikan pìre aremnogo mel, ekim wanhikesik he, eileken pogot oba lìakhìlìk, Ala hai warogo horoti aremnogo kùrogo re, agoromì ane wanhì lagaukwa mene nen apùnì logolek amanogo sùpùrisoagalùk wogisasike. Nen, ikan pìre aremnogo atì'nogoat it obogat sùpùrisoagalùk kùrogo wogisasikeat. Sùpùrisasukwama re, it inebe obogat inalabut ning hogo nasukwa. Atì'nogo nasukwasik he, horoti kùrìk ato mel, ikan kùrìk ato mel, titelogo hesukwama re, Yesùt agoromì nen atogorogo mùl ugu mene 12 nen apem hesogothìgìk kalogo hesukwa.