Popular Bible Verses from MAREKÙT 12

Share

Hinok oba wanhikomo, at Yesùt en mel yogosike: “Wene atì esin he, Musa nen mel isike: Hit ap Yahuri mene yì hinasuk holini! Ninopase Etagepogot he, Ala aligat o. Halok he, hinetaùken mel, hinoabùt mel, hina'la mel, hinomame mel, omakeat arìk ninopase Ala Etagepogot ebe atìat hinetaùken hutik logoino o, ìlùk yogoisasike mene, wene esin he, atìat o. Nen, wene atì a'ma negen he, mel isike akìgì: Hinokawerek hinebe hinetaùken hutik welagasep atì hak he, it apùnì aike hinom welagasep mene atì hinetaùken hutik logoino o, ìlùk wene pìre isike atemat esin o. Wene ninasuk wasike mene aike weregat meneat he, abelma negen enek o,” ìlùk yogosike.

Atì'nogo hìlìk laganem he, at Yesùt en agoromì ane wanhì lagaukwa mene amanogo waisasikamo wagaukwama re, mel yogoisasike: “It apùnì obogat atì inagarok api'mo oba hilarogo hisaga atì, hamùlùgat negenat o. Meneat he, at he soga eilmo lek mene atì nek he, apùrùk oko palogo masak mene obogat hisike atì nek he, motok apik negenat hisike o, ìlùk eberogoat yogohisìgì,” ìlùk yogoisasike.

Wene atì'nogo yogoisasikesik he, at Yesùt ebe hù'lagaikesik hùrek logolìk, peti uang Ala hesik a'la hisagarek mene teik he'na were'ma re, apùnì logolegat en uang hìlìk laganem yerisek welagaike. Apùnì ineilmo wùlalhak mene logolegat en uang apigat hìlìk lagaukwa. Atì'nogo hìlìk lagaukwa meneat he, at he soge agarok lek mene aike wagaikesik he, uang sen mene omakeat hou hak he, motok hamùlùk mene pìre hùlùk lagaike.

Halok he, at Ala ako warogo ebe abireke etumo loletìk, yì mene tì mene at hesik hisìgìk, ìkì logousak mea negen mene re, ninetaùken mel, nina'la mel, ninomame mel, omakeat arìk, at Ala ebe ninetaùken hutik logolìk he, it apùnì aike ninom welagorek mene ninokawerek ninebe hake ninetaùken hutik logousak atì esinat o,” ìlùk yogosikomo

at Yesùt en he, mel yogoisasike: “Kaisat mene halok he, Kaisat at wogotìk, Ala mene halok he, Ala at wogotìk, ìkì logoino o,” ìlùk yogoisasikomo re, it en he, “Egi! Nayùk e,” ìlùk hogorasukwa.