Popular Bible Verses from MATÌÙT 27

Share

Mùm werek kolek, jam 3 arat asi lagaikomo re, at Yesùt en, Ala mel yogosike. Nit ninane ba re, “Nopase! Nopase Ala! An nahalok herakhanhen,” ìlùk u hak, “Eli eli lama sabakhtani,” ìlùk ane hùkorogoat yogosike.

Wa'laganem, Ala awì wùrì'mo su kain mene o sekelek ti'mokwe kwe palek welagaike mene po'loma nen tùlem heirogoat kagalarìk kagalarìk pi wagìk, lugul langathìgìk, helep pak ìgìk, isikomo re, apùnì warek mene kweangma salinaparek mene amanogo abusagat kwe hù'larìk laga logolìk he, Ala againapùrì wa'lagaukwa mene inebe logolegat salinapukwa obakwe nen ineluk agaukwasik melarìk lagaukwa.

Atì'nogo isukwama, at Yesùt hobuk ane omake baga hùkorogo isikesik he, arat lebek hogo wa'lagaike.

Nen, ap tentara mene inoe kain mene mel, agoromì he'nakìt Yesùt era'lu kagalek welagaukwa mene amanogo mel, lugul langathìgìk, yì hake tì hake haga'lagìk, isike amanogo ineileken hasukwasik inayùk apik arìk he, “Ap yì re, Ala aput eberogoat hìgì o,” ìlùk isukwa.

Atì'nogo yogoto were'ma re, o like tùlem jam 12 oba o mùm agaikesik he, o atoma obogat hùlì jam 3 mùmat welagaike.

Atì'nogo yogosukwama, at Pilatùt a'nogo nen he, “Halok he, Yesùt etage aike Karìsùt yì nìkì'nogo hagasik,” ìlùk yogoisasikomo, it amanogo nen he: “E ba menhìlìk wa'no o!” ìlùk yogosukwa. Atì'nogo yogosukwama, at en he, “At weak nena mene hagatomo nen,” ìlùk yogoisasikomo re, it en inane keirogoat, “E ba menhìlìk wa'no o!” ìlùk yogosukwa.