Popular Bible Verses from LUKAT 9

Share

Atì'nogo yogoisasikesik, wene aike it apùnì obogat mel yogoisasike: “Sa nen an nopolik nìkì logoigìlùk halok he, okawerek hesik hagaterek mene, Nabìt, ìlùk hebisalùk he, e ba menhisìlìk inoatarek mene atì, ageiyo meneat ninhùp-nanhùbat wolok he, an nopolik nìkì logoìgìlùk wesuak o.

Nen, sa nen, An nebe neluk logousak walok, ìlùk, ebe elele helegein halok he, wa'larik nong akegein o. Meneat he, an hesik wa'lasigin halok he, ebe telegein o.

at Yesùt en he, mel yogosike: “It apùnì, inebe lopok yabu wanuogolùk sìge wolok lìlìk, yabu ebe hukagaresigat he, hobuk inelokwe lagak hogo inapotkwe la'lasi wìrì'lùgì halok he, Ala awe a'ma hisikere'ma atoma kusak motok lek o,” ìlùk yogosike.

Nen, sa nen, yì mene tì mene kweangma mene obogat ese asigin meneat he, okawerek ebe hesik weak akìlìk nong asigin halok he, aike sabùrike usak nogo? Motok lek o.

Sa nen, An Yesùt agot, ìgìk, an nane atì yogoisìgìk, apùnì ineilhanem pak hogo u re, ekalì halok he, an abat ta'lasi wagagi mene yì nen hogo re hobuk an nebe hogo'napìk, nopase hogoratìk, malaikat Ala aligat hesik yoko pelaksa wagarek mene amanogo hogorinapìk, iko kolek waga logolìk he, At yì an nagot, ìlùk nane pak hogo u nekalìat asigin o.

Atì'nogo yogosikomo, at Yesùt en mel yogosike: “Lo yeke atì re, awì wùrìk akola welagarek o. Nen, sùe purogo nikerek mene atì re, atì'nogoat awì wùrìk welagaregat. Atì'nogo meneat he, an abat ta'lasi wagagi mene atì nek he, nogo ìkì logousak oba nawì wùrìk he, motok lek o,” ìlùk yogosike.

it amanogo wene mel yogoisasike: “Hit hinekele'ma yoma at etage lek maben mene atìat ebe kain etagewerek asigin atì nen he, sa nen yekerek yì an hesik wanhe halok he, anat wo'nabigin o. Nen, sa nen an wo'napo halok he, at lakhani wagaike mene a'nogoat wanigin o,” ìlùk yogoisasike.